ప్లీజ్ మీరేమైనా సలహా ఇస్తారా ?

ప్లీజ్ మీరేమైనా సలహా ఇస్తారా ?






ఇది కొద్ది రోజుల క్రితం మాట ..... ఆ రోజు .....quarterly ఎగ్జామ్స్ రిజల్ట్స్ వచ్చాయని ..పరుగెత్తుకుని వచ్చిన .........మా పాప,బాబు ....
చాల ఆత్రంగా నా మొహం లోకి చూస్తున్నారు.ఈ సారి వాళ్ళ ప్రొగ్రెస్స్ కార్డు లో ఫస్ట్ రాంక్ చూసి ...ఎన్నెన్ని బహుమతులు ఇస్తానో అని. నిజం చెప్పాలంటే ఎప్పుడు చక్కగా చదువుతారు మాపిల్లలిద్దరు. ఒక్క చదువేంటి ? రోజు పొద్దుటే త్వరగా లేచి ,జాగింగ్, ఆతర్వాత చక చక తయారయ్యి న్యూస్ పేపర్ చదవడం....టీవీ లో వార్తలు చూసి gk పెంచుకోవడం .స్కూల్ నుండి ఇంటికి రాగానే స్పోర్ట్స్,..homework ...అన్ని పద్దతి ప్రకారం చేయడం ....వాళ్ళని చూసి నేను తెగ మురిసిపోవడం .....మామూలే.

మరి ఎందుకిలా....జరిగింది.?అస్సలుచదవటం మానేసి ...., ఈ పిచ్చిపనులు ఏంటి? స్కూల్ నుండి కూడా కంప్లైంట్స్ .ఏమైంది ...పట్టుమని పదేళ్ళు లేని మా అబ్బాయి ఆ పక్కన construction లో ఉన్న బిల్డింగ్ లో అస్తమానం దూరుతున్నాడు .ఆ పనివాళ్ళతో వీడికేమి పని?రోజస్తమానం సిమెంట్ ఇసకలో దొర్లుతున్నాడు .,ఎనిమిదేళ్ళ మా పాప ఇంట్లో గిన్నెలు తోముతాను గ్లాసులు కడుగుతాను,టీ కలుపుతాను అని ఒకటే గొడవ.చదువు జోలికి వెళ్ళటం లేదు ఇద్దరు...యింతకు మునుపు లాగ మంచి మార్కులతో ఇంజినీరింగ్ పాసయ్యి నెలకు 75000 వేల రూపాయల జీతం తో సెటిల్ అయిన మా అక్క కొడుకు ప్రస్తావన తేగానే ఇద్దరు మొహాలు చూసుకుని నవ్వుకుంటున్నారు.పిచ్చెక్కి పోయింది నాకు.
.ఈ రోజు స్కూల్ నుంచి రాగానే చురకలు తగిలించాలి ..ఉహు .. అలాకాదు. నెమ్మదిగానే బుజ్జగించాలి .....విషయం కనుక్కోవాలి.కొత్త స్నేహాలేమన్న మొదలయ్యయా..తెలుసుకోవాలి..వాళ్ళకిష్ట మైన chocholates కొనిపెట్టి నెమ్మదిగా మాటల్లోకి దించాను.మామూలే ..కొత్త ఫ్రెండ్స్ అసలు లేరు .మా అబ్బాయి నెమ్మదిగా చెప్పాడు: తాపీ పని నేర్చుకోవడానికి ఆ బిల్డింగ్ లోకి వెళ్తున్నాడట .. .తప్పకుండ నేర్చుకోవలసిందే అని...మా అమ్మాయి ముద్దుగా చెప్పింది టీ కలపడం తన ultimate గోఅల్'" అని ,ఎందుకు...? విస్తుపోతూ అడిగితే అప్పుడు చేసారు నాకుఇ గీతోపదేశం ..." అయ్యో అమ్మ నీకు తెలీదు ఒకసారి టీ కలిపితే 50000 రుపీస్ వస్తాయి.కప్పుల్లో టీ పోస్తే మరో 50000 రూపీస్ అంటే కాదు ఒక్కసారి సిమెంట్ తో ఇటుకలు పెడితే 100000 రూపీస్ ,ఇంకా బస్తాలు మోస్తే కూడా అంతే,మాస్చూల్ బాగ్స్ లాగే కదా అవి కూడా, పేపర్ చదవలేదా నువ్వు టీవీ లో చూడలేదా కూలి పనితీ అరగంట లో లక్ష సంపాదించిన నేతలు అని......ఎంత చదివిన అంట డబ్బు రాదు కాదమ్మా."బాగా చదువుకుని మంచి pilot ని అవుతాననే మాఅబ్బాయి ,డాక్టర్ అవుతాననే మా అమ్మాయి కూలీ పని చేసుకుంటా మని అంటున్నారు.అర గంటలో లక్షల్లో సంపాదించోచ్చని అనుకుంటున్నారు. .

నాకు బుర్ర గిర్రున తిరిగింది

gk పెంచుకోవడం కరెంటు affairs చదవడం అలవాటు చెయ్యడం ఎంత చేటుకొచ్చింది .ఇప్పుడు వీళ్ళను ఎలా దారికి తేవాలి .ప్లీజ్ మీరేమన్న సలహా ఇస్తారా?

ఇదీ అంతే .....అనే మన దౌర్భాగ్యం ..

ఏంటి ,సడన్ గా ఇంత గోల వినిపిస్తుంది?ఎవరో కొట్టుకున్తున్నట్టుగా ఉంది.అరె... మా ఇంటి గేటు ముందే ...ఇంత మంది గుమి గూడారేంటి?లక్ష్మమ్మ మాకొత్త
పని మనిషికదూ వాళ్ళందరి మధ్యలో ...అయ్యో .....తనని అలా నెట్టేస్తున్నారు ....ఎందుకు .?అయ్యో కింద పడిపోయింది..పరిగెత్తుకుని కిందికి వెళ్ళాను."చంపేస్తాం....
ఏమనుకుంటున్నవు మొన్నటిదాకా నేను పని చేసిన ఇంట్లో ..నేను మానేసి నెలన్నా కాక ముందే ...నువ్వు కులుక్కుంటూ వచ్చి పనిలో చేరతావా?".
అదుగో తను మా పాత పని మనిషి కాంతమ్మ .ఆ చుట్టూ లక్ష్మమ్మను తిడుతూ తోసేస్తున్న వాళ్ళు అంతా కాంతమ్మ బంధువులు ,స్నేహితులు.ఎందుకలా కొడుతూ తోసేస్తున్నారు తనని.నాకేమి అర్థం కాలేదు.నేను కల్పించుకోకుంటే వదిలేతట్టులేరు. అసలు సంగతి ఏంటి ? కాంతమ్మ దగ్గరికి వెళ్లి అడిగాను.లక్ష్మమ్మ మొదట సమాధానం చెప్పింది .ఏడుస్తూ...."చూడండమ్మా నేనేం చేశాను?ఈ కాంతమ్మ మానేసి నెల దాటింది,మళ్ళీ మళ్ళీ పిలిచినా పనిలోకి రాలేదని మీరు చెప్తేనే కదా నిన్నపనిలోకి వచ్చాను,
మీరు ఇబ్బంది పడతారని.నాకు నాలుగు డబ్బులు వస్తాయని. ఈ రోజుపొద్దున్నే మీ ఇంట్లోకి వస్తుంటే చూసిందట ఈ కాంతమ్మ నన్ను .వీళ్ళందరినీ పిలుచుకుని వచ్చి నన్ను ఎలా కొడుతున్నారో చూడండి,మీరే చెప్పండమ్మా వీళ్ళకి" అని నా వెనకాల నిలబడింది కొంచం ధైర్యం తేచ్చుకుని. నేనేదో అనేలోగానే కాంతమ్మ- "కోడతామా..చంపుతామా? నేను పని చేసే చోట్ల నువ్వేయ్లా చేస్తావే.?అని పై పైకి వచ్చింది."
"కాంతమ్మ ! ఆగు అలా మాట్లడతావేంటి.నాకు నువ్వు మానేస్తే చలా ఇబ్బంది.ఇంట్లో పని చేసుకుని ఆఫీసు కి పరిగెట్టాలంటే
చలా కష్టం. వచ్చి పనిలో చేరు ఇప్పటికైనా అంటే నువ్వే కదా కుదరదు అన్నావు. మళ్ళీ ఇదేంటి?", అడిగాను.
" అవును కుదరదన్నాను .నాకు ఇప్పటిలో పనికి రావడం కుదరదు. ఎప్పుడొస్తానో చెప్పలేను. ఎందుకంటే మా ఇంట్లో మాకు, మా ఆయన అన్నదమ్ములకు గొడవలు.అవన్నీ తేలితే తప్ప రాలేను."
"సరే నువ్వు రాలేదు అందుకే నేను కొత్త మనిషిని పెట్టుకున్నా."
"అదెట్లా కుదుర్తది. దాన్ని ఈ ఇంట్లో అడుగు పెట్టనివ్వం . దాన్ని వెళ్లి పొమ్మని చెప్పమ్మా."
"మరి నువ్వు వస్తావా రేపటి నుంచి",అడిగాను.
"చెప్పిన కదమ్మా నాకు కుదరదు ఇప్పట్లో"
"ఇదెక్కడి గొడవ ? నువ్వు రాకుండా తనని ఆపితే మరి నా సంగతేంటి ?నాకు పని ఎవరు చేస్తారు? మధ్యలో నన్ను ఎటూ కాకుండా చేస్తే ఎలా", తీవ్రంగానే అడిగాను.
కాంతమ్మ నవ్వింది ....అది అంతేలే అమ్మ .నేను పని చెయ్యను .దాన్ని రానివ్వను. మళ్ళీ ఎన్ని నెలల తర్వాత వచ్చినా నన్నే పనిలో పెట్టుకొవాలి.
అంతే. నాకు మండి పోయింది.
"ఇది చాల too much ! ఒక పద్దతి లేదా..??? "
"ఎంటమ్మ పద్దతి ? అక్కడ MLA లు రాజీనామా చేస్తే మళ్ళీ వాళ్ళనే ఎన్ను కోవాలని అంటుంటే ఏం చేస్తున్నారు. ఇది కూడా అంతే."
నాకు కళ్ళు తిగినబ్త పని అయింది .

ఎంత అవుదార్యం

ఏమో అను కున్నా కాని అమెరికన్లకు,వారి అవుదార్యానికి, చెయ్యెత్తి నమస్కారం చెయ్యాలి.ఎంత మంది ఇతర దేశాల వారు అక్కడ స్థిరపడి డాలర్లు సంపాదిస్తున్నా భరిస్తూ కలిసి ఉంటూ వారి దేశంలో ఉండనిస్తున్నందుకు.మన రాష్ట్రంలో అయితే సాటి తెలుగు వాడిని రాజధాని లో అడుగు పెట్టనివ్వము అని ఎంత గొడవ?ఇప్పుడే టీవీ లో చూసాం సంక్రాంతి శలవులకు ఊళ్లకు వెళ్ళిన సొంత రాష్ట్రం వారిని హైదరాబాద్ కి తిరిగి రానివ్వరట. ఎక్కడిదాకా పోతుంది ఈ విద్వేషం?(మళ్లీ మనకు అమెరికా లో ఈ recession మూలంగా restrictionsపెడితే ఎక్కడ లేని కోపాలు వస్తాయి .తిట్టుకుంటాం కూడా ).ఈ మాటలు విన్న మన ప్రభుత్వం కూడా ఏమీ పట్టించుకోదు .తెలంగాణా వాళ్ళమని చెప్పుకోవాలన్నా సిగ్గుగా అనిపిస్తుంది ఈ మాటలు వింటే.మొన్న మహారాష్ట్ర లో ఇలాంటివి చూసి అసహ్యంగా అనిపించింది .మనం కూడా తీసి పోలేదు

శుభాకాంక్షలు

మీ అందరికి నూతన సంవత్సర శుభాకాంక్షలు .ఈ సంవత్సరం మనకి శాంతి ని,సంతోషాన్ని,సహనాన్ని ప్రసాదించాలని ఆ పరమాత్ముణ్ణి ప్రార్థిస్తూ
ఓం సహనావవతు , సహనుభునక్తు , సహా వీర్యంకరవావహై : తేజస్వి నావ ఆధితం అస్తు : మవిద్విసవహై ; ఓం శాంతి ,శాంతి ,శాంతి: