చిన్ని పాపయిలు .

మొట్ట మొదట ఏమి రాయాలి అనుకుంటే ముద్దులు మూటలు కట్టే చిన్నిపాపలే గుర్తు కొచ్చారు .చిన్ని చిన్ని పాపల్ని చూడ గానీ ఎవరికైనా అనిపిస్తుంది ఆడుకోవాలని ,గట్టిగ ముద్దుల్లో ముంచివేయాలని........
.మనకి భలే సంతోషం,ఇంకెంతో హాయి మరి పాపాయికి ...ఎలాఉంటుంది?చాల చికాకు గా ఉంటుంది .లేతబుగ్గలు కందిపోయి మంట పుడతాయి.అంతే కాదు ముచ్చటగా మూతి మీద ముద్దు పేట్టే వాళ్ళు కూడా ఉంటారు.తెలిసిన వాళ్ళు తెలియని వాళ్ళు,దగ్గరి వాళ్ళు దూరపుచుట్టాలు.,పెద్దవాళ్ళు పిన్నవాళ్ళు అని లేకుండా ఎంత మంది చిన్న పాపాలని ముద్దులతో సతయిస్తారు ప్రతి రోజు.ఒక్క చిరాకే కాదు మనము పెట్టె ముద్దులతో ఎన్ని రకాల ఇబ్బందులు పాపాయికి?రకరాల INFECTIONS,స్కిన్ ప్రొబ్లెంస్ చిన్ని పాపాయి మీద దాడి చెయ్యచ్చు
నేను ఒక డాక్టర్ ని అయితే కాను.కాని ఒక తల్లిగా ఆలోచిస్తే మాత్రం ఇది ప్రతివాళ్ళు ఎదురు కునే సమస్య అనిపించింది.ఎందుకు నాకు తెలిసింది మీతో పంచుకోకూడదు అనిపించింది .మరి మీరేమి అంటారు?చిన్న విషయమే ఇది చెప్పు కోవడానికి,కాని చాల సమస్యలు రావడానికి కారణం కావచ్చు .నాకు అనిపించేది మాత్రం ప్రతి తల్లి ఈ విషయాన్ని గట్టిగ వ్యతిరేకించాలని ,అవతలి వాళ్ళు అర్థం చేసుకునేలా మెత్తగా చెప్పడానికి ప్రయత్నించాలి,మనకుపాపాయి ఆరోగ్యం ముక్ఖ్యం కదా.అంతే కాదు మన పాపలకు కూడా ఫ్లయింగ్ కిస్సేస్స్ ఇవ్వడం నేర్పించడం అన్ని విధాల మంచిది అని నా ఆలోచన మరి మీరేమి అంటారు?

అమ్మ చేసె instant మాగాయ పచ్చడి........

బజారులో పచ్చి మామిడి కాయలను చూడగానే అమ్మ చేసె instant మాగాయ పచ్చడి గుర్తుకు వచ్చ్చింది.మా అమ్మ తప్ప మరెవ్వరు ఈ పద్దతిలో పచ్చడి చెయ్యడం చూడలేదు నేను.చాల తేలిగ్గా నిమిషాలలో చేసేది అమ్మ.మీ అందరితో తయారు చేసె విధానం పంచుకుంటే మీరూ రుచి చూసి ఎలా ఉందొ చెప్తారు కదా .....తప్పకుండ నచ్చుతుంది అనే నా నమ్మకం.
ఈ పచ్చడి కోసం రెండు మూడు పుల్లటి పచ్చి మామిడి కాయలు,తగినంత ఉప్పు ,పసుపు,కారప్పొడి,పావు టీ స్పూను వేయించిన మెంతుల పొడి,చిటికెడు చక్కర,తాలింపుకు రెండు టీ స్పూన్స్ నూనె ,తాలింపు గింజలు,ఇంగువ కావాలి.
మామిడి కాయలు చెక్కు తీసేసి మీడియం సైజు ముక్కలు చేసుకుని, తాలింపులోఉప్పు, పసుపు ,ఇంగువ ,వేసి వెంటనే మామిడికాయ ముక్కలు,ఉప్పు పసుపు వేసి కాసేపు మగ్గనివ్వాలి.మధ్య మధ్య కలుపుతూ ముక్కలు మగ్గి గుజ్జులాగా అవగానే మెంతి పిండి ,చక్కర,కారం , వేసి కల్పి ఒక మూడు నాలుగు నిమిషాలు మగ్గనిచ్చిదింపెయ్యాలి .

మాగాయ పచ్చడి instant గా రెడీ . ఇది ఒక వారం రోజులు నిలవ ఉంటుంది
మరి మీరు కూడా ట్రై చేసి ఎలా ఉందొ చెప్పండి.